Quédome; canciu de huída (o resistencia)

Güei de nuevu

pienso en dir lloñe,

lloñe de la mio casa,

de la mio xente,

del mio llar y los mios collacios

Nun-yos di la opción de quereme más

porque dalgunos

-quiciabes  munchos-

falláronme

y caminé solu pelos praos

col orbayu  

amestándose  

coles mios llárimes

Alcordéme de la playa

fundíme ellí onde se xunten la arena cola mar

y perdime de nuevu

Entós garré la maleta polos cuernos

enllenela d’ ausencia hasta vaciala,

pol camin hacia dalgún llugar qu’ inda desconozco

Y dalgún día quiciabes,

esi llugar será mio xente,

mio llar,

mios collacios,

dalgún dia

Mientres tantu quédame facer camín

construir llares pol mundiu

pa que xele menos la mio alma

cuando camine solu

polos peores sitios,

sin naide

Mientres tantu la mio xente,

la mio casa,

los mios collacios,

el mio llar

ye esti

Y per momentu, quédome

porque se que volveré a huir