Y el vientu calla (Traducción al asturiano del poema "Y el viento calla")

Retumben nos mios oyios silencios

que son lápides de palombes

volando pa fuxir de lo que nun foron

 corriendo per autopistes incendiaries

que solo son cortaes por barricaes

por cuerpos rindíos, pol sangre d'un pueblu

que nun s'atreve malapenes a dicir que ye un pueblu

 y el vientu calla

Glaya, vocingla, esgarrápame los tímpanos el tiempu

tictac, tic tac, aguyes del reló, aguyes d'oru 

pa que rellumen los vencedores de la hestoria

coles sos vides bañaes en plata, colos sos versos berrones

falando d'amor y besos porque lo demás sóbra-yos

porque nun-yos fai falta recordar quienes son sos pas

p'abrir les sos puerques boques

y el vientu calla

Acordes que se meten nos mios oyíos

son los sos cantares que enllenen la radio

de la so llibertá plastificada y artificiosa

pa canta-y a “Sally” y a moces que nun esisten

mientres al so llau la so vecina, llora solitaria,

 mientres l'home blancu vuelve a golpea-y

y el vientu calla

 Amburen les cais y ambura la selva,

 quemen los silencios onde non tien cabida

 un sufrimientu dichu en zulú

un dolor que tien collor, un collor que tien dolor

y tien culpables, meyor dichu, responsables

que cola so indiferencia incolora

enllenen les cárceles d'homes nobles

y el vientu calla

Desfaise'l nuesu mundu,

 pa construyir el suyu

asina se constrúi'l apartheid

construyendo murios

llevantando escopetes

alzando al home blancu a la categoría del gochu

y el vientu calla

Nun me llames blancu

nun me llames Europa
Si yo formo parte del

so puercu mundu

de la so puerca mafia incolora y ruin

yo soi de los de abaxo y embaxo me quedo

 Anque cai'lvientu

anque queme'l sol

yo soi ellos y ellos son yo

que se joda'l vientu

que yá va trayer

los suaños

que va tirar los murios

y al fin vamos ser llibres